تەنیا ئەوانەی لەسەر رووباری سیروانن دەتوانن
چاندنی برنج و گەنمەشامی لە گەرمیان قەدەغەکرا
964+
میلاد جەلال – گەرمیان
وشکەساڵی و کەمبارانی، گەرمیانی ناچار بە قەدەغەکردنی چاندنی مەرەزە و گەنمەشامی کردووە، بەڕێوەبەری ئاودێری گەرمیانیش دەڵێت، ھەرکەس ئەو دوو بەرھەمە بچێنێت سزا دەدرێت.
موئەیەد ئەحمەد، بەڕێوەبەری ئاودێری گەرمیان بە 964ـی وت، کەمبارانی و دابەزینی ئاستی ئاوی رووباری سیروان و پرۆژەکانی ئاودێری، ناچاری کردووین کە چاندنی ھەردوو بەروبوومی گەنمەشامی و برنج قەدەغە بکەین”.
“ئەو جوتیارانەی سود لە ھەرسێ پرۆژەی ئاودێری”باڵەجۆ، شێخ لەنگەر و سەلام”وەردەگرن، نابێت ئەو دوو جۆرە بەرھەمە بچێنن بۆ ئەمساڵ”،موئەیەد ئەحمەد وای وت.
ئاماژەی بەوەشکرد، ئەگەر ھەر جوتیارێک پابەند نەبێت بە بڕیارەکە، ئەوا ناچارن سزایان بدەن.
