باندێکی دزینی ماتۆڕسکیل لە سلێمانی دەستگیر کران

964+

شۆڕش قادری

‏‎مەفرەزەکانی نووسینگەی كوردساتی بەشی نەهێشتنی تاوانی سلێمانی، باندێکی پێنج کەسی دزینی ماتۆڕسکیلیان دەستگیرکرد کە لەچەند شوێنێکی شاری سلێمانی ماتۆڕسکیلیان دزیبوو.

‏‎بەپێی راگەیەنراوێکی بەڕێوەبەرایەتی پۆلیسی پارێزگای سلێمانی، دوای ئەوەی چەند هاوڵاتییەک سکاڵایان تۆمار کردووە لەسەر ئەوەی کە ماتۆڕسکیلیان لێدزراوە، هێزەکانی پۆلیس لێکۆڵینەوەکانیان دەستپێکردووە و پاش وەرگرتنی بڕیاری دادوەر، توانراوە لەماوەیەکی کەمدا تۆمەتباران بدۆزرێنەوە و لەلایەن مەفرەزەکانی نوسینگەی كوردساتی بەشی پۆلیسی نەهێشتنی تاوانی سلێمانییەوە، دەستگیر بکرێن.

‏‎ئاماژە بەوەش کراوە، تۆمەتباران بەناوەکانی ( د، و، ف) و (گ، ک، ع) و (ڕ، ع، ص) و (أ، ز، ص) و (ب، د، ن) دانیان بەتاوانەکەیاندا ناوە و بەبڕیاری دادوەر و بەپێی ماددەی 446 لەیاسای سزادان راگیراون و لێکۆڵینەوەکان لەگەڵیان بەردەوامە.

لە سلێمانی کەسێک لەسەر دزینی ئۆتۆمبێل دەستگیر کرا

بەرۆژی رووناک لە سلێمانی دزی کرد؛ بۆی نەچووەسەر و دەستگیر کرا