داوای بەھاناوەچوون دەکەن
شەش کەس کە دەڵێن شاخەوانن لە شاخی سورێن گیریان خواردووە
964+
ئەمەل ناجی – هەڵەبجە
ئەمڕۆ شەممە، گروپێکی شەش کەسی کە دەڵێن، شاخەوانن، بە مەبەستی شاخەوانی روو لە شاخی سورێن دەکەن، بەڵام رێیان لێ ھەڵە دەبێت و لە ئێستادا داوای بەھاناوەچوون دەکەن.
پەیامنێری 964، لە هەڵەبجە تەلەفۆنی بۆ کردوون.
کۆچەر یەکێکە لە شاخەوانەکان و بە 964ی وت، گروپەکەمان بۆ شاخەوانی ھاتووین، بەڵام رێمان لێ ھەڵە بووە، و دوو کەسیشمان قاچیان ئازاری پێگەیشتووە، شوێنەکەش تاریکە، و ناتوانین بە تەنیا خۆمان بگەڕێینەوە و پێویستمان بەھاوکارییە.
بە قسەی ئەو کەسە بێت، ھەموو ئەندامانی گرووپەکە لە رەگەزی نێرن و دانیشتووی قەزای خورماڵن لە هەڵەبجە.
ئەو کەسە داوای لە لایەنە پەیوەندیدارەکان کرد، بەھانایانەوە بچن، چونکە شوێنەکەیان سەختە و رێگەی ئۆتۆمبێلی نییە، ئەوانیش شارەزای رێگەکە نین.
پێداچوونەوە: ئەحمەد مستەفا
نمایشێکی شاخەوانی لە ئەشکەوتی هەزارمێرد بەڕێوەدەچێت
