روسییەکانی هەولێر ئەمڕۆ لە کونسوڵخانە دەنگیان دا

هەژان هێرش

روسییەکانی هەولێر ئەمڕۆ لە کونسوڵخانە دەنگیان دا بۆ دیاریکردنی 450 کورسی پەرلەمانی وڵاتەکەیان.

کونسوڵخانەی روسیا لە هەولێر وێنەکانی بڵاوکردووەتەوە و دەڵێت، ئەمڕۆ بنکەی دەنگدانی ژمارە 8107 کونسوڵخانەی گشتیی رووسیا لە هەولێر بۆ دەنگدان لە هەڵبژاردنی پەرلەمانی روسیا (هەڵبژاردنی ئەنجومەنی دوما) کرایەوە.

بنکەکە لە 08:00ـی بەیانییەوە تا کاتژمێر 02:00ـی پاشنیوەڕۆ کراوەبوو.

پەرلەمانی روسیا 450 کورسی هەیە و لەم هەڵبژاردنەدا، پێشبینی دەکرێت پارتەکەی ڤلادیمێر پوتن (یەکێتی روسیا) زۆرینەی کورسییەکان بەدەستبهێنێت.

225 کورسی تایبەتن بە کاندیدی پارت و هێزە سیاسییەکان و 225ـەکەی دیکەش لەسەر ئاستی تاکە کەس دەبێت.