رووداوێکى هاتوچۆى سەخت شەش بریندار و گیانلەدەستدانێکى لێکەوتەوە

964+

وریا فەتاح

ئەوکاتەى خەڵکى لە شیرینى خەودابوون، رووداوێکى هاتوچۆى سەخت لە رێگاى نێوان هەولێر و دهۆک روویداوە، گیانلەدەستدانێک و شەش بریندار هەبووە.

رووداوەکە بەرەبەیانى ئەمڕۆ هەینى، 30.5.2025 لە رێگاى نێوان هەردوو پارێزگاى هەولێر و دهۆک لە سنوورى قەزاى شێخان روویداوە.

ئازاد تەها، وتەبێژى هاتوچۆى دهۆک لە پەڕەى خۆى بڵاوى کردەوە، رووداوەکە کاتژمێر 2:15 خولەک لە نێوان دوو ئۆتۆمبێل لە جۆرەکانى کیا ئۆپتیمایەک و پیکابێک لە نزیک ترافیک لایتى چوارریانى شێخان روویداوە.

“کەسێک گیانى لەدەستداوە و شەش برینداریش هەیە”، ئازاد تەها واى وت.