تۆز و خۆڵەکە لاواز دەبێت و پلەکانی گەرما دادەبەزن

964+

توانا نەقی

بە پێی پێشبینی کەشناسی ئەمڕۆش تۆزو خۆڵ بەردەوامی دەبێت و لە کاتەکانی دوای نیوەڕێوە لاواز دەبێت، پلەکانی گەرماش چەند پلەیەک نزم دەبنەوە.

بەڕێوەبەرایەتی گشتی کەشناسی و بومەلەرزەزانی بڵاویکردەوە، ئاسامن ساماڵ و پەڵە هەوردەبێت پلەکانی گەرماش 3 بۆ 4 پلە لە ناوچەکانی هەرێم دادەبەزن.

هەرچی پێشبینییە بۆ سبەینێ ئاماژە بەوەکراوە، پلەکانی گەرما لەمڕۆ زیاتر دادەبەن و تا چوار پلەیەکی دیکە کەم دەبنەوە.

ئەمڕۆ پێنج شەممە 29.5.2025
کەش / ئاسمان ساماڵ و پەڵە هەور دەبێت , لەگەڵ بوونی تۆز و خۆڵ بەتایبەتی لەناوچەکانی باشووری هەرێم وە هەروەها ناوچەکانی رۆژهەڵاتی هەرێم ( پارێزگای سلێمانی)پاشان بۆ کاتەکانی دوایی نیوەرؤ کاریگەری لاواز دەبێت ئاسمان ئاسایی دەبێتەوە.
خێراى با /  لەسەر خۆ – مامناوەند  ( 10 – 20 )کم/ک
مەوداى بینین / ( 7 –  9 ) کم دەبێت. لەناوچەکانی  بوونی تۆزوخۆڵ لە نێوان ( 2 – 5 ) کم دەبێت .
ئاراستەی با / باکووری خۆرئاوا.
پلەکانی گەرما/ نزم  دەبێتەوە بە ( 3 – 4 ) بەراوورد بە تۆمارەکانی دوێنی وەک لە وێنەکەدا ئاماژەى پێکراوە .

بەرزترین پلەی گەرمای ناوچەکانی هەرێم بۆ ئەمڕۆ پێنجشەممە:
هەولێر :  36  پلەی سیلیزی
سلێمانی : 35 پلەی سیلیزی
دهۆک :   35  پلەی سیلیزی
کەرکوک : 38 پلەی سیلیزی
زاخۆ  :  34 پلەی سیلیزی
هەڵەبجە :39 پلەی سیلیزی
سۆران :  36 پلەی سیلیزی
حاجی ئۆمەران : 25 پلەی سیلیزی
گەرمیان :41 پلەی سیلیزی