"پێویسته قوتابی خۆی هیممهت بكات"
مامۆستایان لە رووی شەرعهوه باس لە دوعا و قۆپیەکردنی قوتابیانی پۆلی 12 دەکەن
دەشتی عارف ـ هەولێر
تاقیکردنهوەکانی پۆلی 12ـی ئامادەیی نزیکبووهتەوە و بەشێک لە قوتابیان هەوڵدەدەن پشت بە دوعاکردن ببەستن بۆ دەرچوون، بەڵام مامۆستایانی ئایینی دەڵێن بهتهنیا دوعاكردن بەس نیه و دهبێت خۆشیان هیممهت بكهن، له بارهى قۆپیهكردنیشهوه دهڵێن “حەرامە و دژی ئایینە”.
خالید گەردی، مامۆستای زانکۆ به 964ـى وت” خوای گەورە چەند دوعایەکی داناوە لەکاتی هەبوونی هەر کارێک بیخوێنین بەڵام دوعاکردن بەس نیه و قوتابیان پێویستە هەوڵی خۆیان بدەن و بخوێنن، هەروەها قۆپیەکردنیش لەژێر هەموو ناوێکدا حەرامە و جائیز نیه.
وتیشی “کڕینی پرسیارى تاقیكردنهوهكان، حەرامە و لە داهاتووشدا ئهگهر دهربچێت موچهى پێوهربگرێت موچهكهشی حهرامه”.
مامۆستا ئەحمەد بالیسانیش دهڵێت “بهههموو شێوهكان قۆپیهكردن حهرامه”.
رۆژى 1.6.2025 کاتژمێر 7:30 خولەک، تاقیکردنەوەکانی قوتابیانی پۆلی 12ـی ئامادەیی لهههرێمی كوردستان دەستپێدەکات و 29ماوهى 28 رۆژ دهخایهنێت
پێداچوونهوه: فهرهاد حهسهن.