زیاتر لە 500 هەزار حاجی گەیشتوونەتە سعودیە

ژووری هەواڵ

تا ئێستا زیاتر لە 500 هەزار کەس بۆ بەجێگەیاندنی فەریزەی حەج گەیشتوونەتە سعودیە، وەزارەتی حەج و عومرەی ئەو وڵاتەش دەڵێت، لە دەروازە جیاوازەکانی وڵاتەوە بە باشترین شێواز پێشوازی لە حاجییان دەکرێت.

رۆژی 16ـی ئەم مانگە یەکەم کاروانی حاجییانی هەرێمی کوردستان لە رێگەی وشکانییەوە بەرەو مەککە بەڕێکەوت و بڕیارە لە سبەینێەوە بەشێکی دیکەی حاجیانی هەرێمی کوردستان بە رێگەی ئاسمانی بچنە سعودیە.

یەکەم کاروانی حاجیانی هەرێمی کوردستان، کە ژمارەیان نزیکەی 700 کەسە و خەڵکى سلێمانى، هەڵەبجە، گەرمیان و راپەڕینن، لە رێگەى وشکانىیەوە بەرەو مەککە رۆیشتوون.

ئەمساڵ پێنج هەزار و 137 کەس  گەشتی حەج ئەنجامدەدەن، سێ هەزار و 496 کەس لە رێگەی ئاسمانی و هەزار و 646 کەسیش لە رێگای وشکانیەوە.