نێچیرڤان بارزانی
سەردانی شوێنی بوومەلەرزەکە دەکات
نێچیرڤان بارزانی هاوكارییه‌كانی ده‌گه‌یه‌نێته ئیسڵاحیيه
+964
كوردستان ئەحمەد
بەرەبەیانی ئەمڕۆ سێشه‌ممه 14.2.2023 سەرۆكی هەرێمی كوردستان گەیشتە توركیا و كەمێكی دیكە سەردانی ئیسڵاحيیە لە پارێزگای دێرەلوك دەكات.
سەرچاوەیەك لە سەرۆكایەتی هەرێمی كوردستان، بە تۆڕی 964ی راگەیاند، كەمێكی دیكە نێچیرڤان بارزانی سەردانی شوێنی روودانی بوومەلەرزەكە له شاری ئیسڵاحیه دەكات و لەگەڵ خۆشی هاوكاری بۆ لێقه‌وماوانی بوومه‌له‌رزه‌كه بردووه.
سەرچاوەكە ده‌ڵێت، نێچیرڤان بارزانی سەردانی تیمەكانی حكومەتی هەرێمی كوردستان لە ئیسلاحیيە لە دێرەلوك دەكات و پشتیوانی خۆی بۆ هاوكاریكردنی توركیا رادەگەیەنێت.
هه‌شت رۆژ بەسەر بوومەلەرزەكەی رۆژئاوا و باكووری كوردستاندا تێدەپەڕێت و تا ئێستا 31 هەزار كەس له توركیا و زیاتر له 5 هه‌زار كه‌س له سووریا، بەهۆی بوومەلەرزەكەوە گیانیان لەدەستداوە.