ناوی شوێن و قوتابخانەی تاقیکردنەوە گشتییەکان ئاشکرابوو؛ وەرن لینکەکە بکەنەوە

964+

ئەحمەد مستەفا

وەزارەتی پەروەردە لە رێگەی لیژنەی تاقیکردنەوەکانەوە لینکێکی بڵاوکردووەتەوە، ئاسان و سادە خوێندکارانی قۆناغی 12 دەتوانن لینکەکە بکەنەوە و ئەو شوێنە و قوتابخانە بزانن، کە تاقیکردنەوە گشتییەکانی لێ ئەنجام دەدەن.

تاقیکردنەوەکان لە 1.6.2025 دەستپێدەکەن و لە 29.6.2025 کۆتاییان دێت.

بە گوێرەی بڵاوکراوەی وەزارەتی پەروەردە بێت، وەزارەتەکە ئاگادارى سەرجەم خوێندکارانى قۆناغى 12ى ئامادەیى بە هەموو بەشەکانییەوە دەکاتەوە، لە رێگەى لینکێکەوە بەپێى پارێزگاکان دەتوانن شوێن و هۆڵى تاقیکردنەوەی وزاری بزانن.

ئەمە لینکەکەیە:

https://tinyurl.com/Pol-12-X1-2025

وەزارەتەکە دەڵێت، بۆیە داوایان لێ دەکەین رۆژێک پێش ئەنجامدانى یەکەم تاقیکردنەوە کە لە 1.6.2025، کاتژمێر 7:30 ى بەیانی ئەنجام دەدرێت، پێویستە خوێندکاران سەردانى هۆڵەکانیان بکەن بۆ دڵنیابوون لە شوێن و ناوەکانیان بۆ ئەنجامدانى تاقیکردنەوەکانی ساڵى خوێندنى 2024-2025 خولی یەکەم.

وەزارەتی پەروەرەدە دەڵێت، لەکاتی بوونی هەڵە لە زانیاری زمانی خوێندن و ئاینی خوێندکار، پێویستە خوێندکارەکە بە زووترین کات سەردانی پەروەردەی خۆی بکات بۆ راستکردنەوەی زانیارییەکان.

خشتەی تاقیکردنەوەکانی کۆتایی ساڵی پۆلی 12ـی زانستی و وێژەیی بڵاوکرایەوە

‌ ‌