“بە بەرپرسیارێتییەوە مامەڵە لەگەڵ بارودۆخەکە بکەن”

ئاسایشی هەولێر:

ئاسایشی هەولێر لە راگەیەنراوێکدا داوا لە راگەیەندکار و میدیاکان دەکات، بە بەرپرسیارێتییەوە مامەڵە لەگەڵ بارودۆخەکە بکەن و لە رووماڵکردنی شوێنی رووداوەکان خۆیان بپارێزن.

دەشڵێت، رێگر مەبن لە بەردەم کاری تیمەکانمان لە شوێنی رووداوەکان و هەر کەناڵێکی راگەیاندن پابەند نەبێت خۆی بەرپرسیار دەبێت.

دەقی راگەیەنراوەکەی ئاسایشی هەولێر لە خوارەوە؛

لە پێناو پاراستنی ئاسایش و ڕێکخستنی کارەکانی تیمە تایبەتمەندەکان لە شوێنی ڕووداوەکان، پێویستە سەرجەم کەناڵەکانی ڕاگەیاندن بە بەرپرسیارێتییەوە مامەڵە لەگەڵ بارودۆخەکە بکەن و لە ڕووماڵکردنی شوێنی ڕووداوەکان خۆیان بپارێزن، چونکە دەبێتە هۆکاری گردبونەوەی هاوڵاتیان و دروست بونی جەنجاڵی و ڕێگر دەبن لە بەردەم کاری تیمەکانمان لە شوێنی ڕووداو.

هەر کەناڵێکی ڕاگەیاندن پابەند نەبێت خۆی بەرپرسیار دەبێت.

بەڕێوەبەرایەتی ئاسایشی هەولێر

6ـی ئازاری 2026

ئاسایشی هەولێر پەیامی بۆ هاوڵاتیان و میدیاکان هەیە