بەرگری شارستانی رۆیشتوون بۆ رزگارکردنی
ئۆتۆمبێلێک لە چیای هەڵگورد گیری خواردووە
964+
ژێوار خدر
کاتژمێر 9:25ـی خولەکی شەو نوێکراوەتەوە
رەوەند هاودیانی، وتەبێژی بەرگری شارستانی سۆران بۆ 964 وتی، ئۆتۆمبێلەکە بەهۆی کەش و هەوای نالەبارەوە لەسەر ریگاکە لایدابوو و لە قوڕ چەقی بوو، لەلایەن تیمەکانمانەوە دەرهێندرایەوە و شۆفێرەکەشی سەلامەتە و هیچ کێشەیەکی نییە.
بەرگری شارستانی سۆران ئاگادار کراونەتەوە لە گیرخواردنی ئۆتۆمبێلێک لە شاخی هەڵگورد لە سنووری قەزای چۆمان، ئەوانیش تیمێکییان ناردووە بۆ رزگار کردن و بەهاناوەچوونی ئۆتۆمبێلەکە.
بەڕیوەبەرایەتییەکە کەمێک پێش ئێستا لە فەیسبوک هەواڵەکەیان بڵاوکردووەتەوە و دەڵێن، “تیمێکی بەرگری شارستانی چۆمان دەرچوون بۆ شوێنی گیرخواردنەکە لەزانیاری زیاتر ئاگادارتان دەکەینەوە.”
