شەپۆلێکی خۆڵبارین گەرمیان و بەشێک لە ناوچەکانی هەرێمی گرتەوە
هەرێمیشى گرتووەتەوە
خوڵبارين لە عێراق زیادی كردووە و پلەی گەرماش 40 پلەى سێلیزى تێدەپەڕێنێ
964+
محەمەد فاتیح
كەش و هەوای خۆڵاویی هەرێمی كوردستان هاوكاتە لەگەڵ زیادبوونی خۆڵبارین لە پارێزگاكانی عێراق و لە هەندێك پارێزگاش پلەی گەرماش 40 پلەی سیلزی رەتدەكات.
بەپێی پێشبینییەكانی دەستەی كەشناسی عێراق بەتەنیا هاونیشتیمانیانی كوردستان نا بەڵكو هاوڵاتیانی عێراقیش ئەم ماوەیە بێبەش دەبن لە چوونە دەرەوە و سەیران و گەشت و گوزار، چونكە تاكو رۆژی سێشەممەی داهاتوو خۆڵبارین بەرەو زیادبوون دەچێت و پلەكانی گەرماش دادەبەزن بە شێوەیەك لە چەندین پارێزگای عێراق 40 پلەی سیلزی تێدەپەڕێنێت.
روونیشى کردووەتەوە، كەش و هەوا بەگشتی نیمچە هەور دەبێت لەگەڵ بارانبارینی سووك و پەرشوبڵا و لە ناوچەكانی ناوەڕاست و باكور، با چالاك دەبێت، دەبێتە هۆی خۆڵبارین، پلەكانی گەرما لە ناوچەكانی ناوەڕاست و باكور دادەبەزن و لە ناوچەكانی باشوور هاوشێوە دەبێت.
زۆرترین پلەكانی گەرما بۆ سبەی شەممە، بەم شێوەیە دەبێت:
سلێمانی: 28
دهۆك: 30
هەولێر و كەركوك: 32
نەینەوا: 33
سەڵاحەدین و ئەنبار:34
بەغدا: 35
دیالە و كەربەلا: 36
بابل: 37
واست و دیوانیە: 39
نەجەف: 40
موسەننا: 41
میسان و بەسرا: 42
زیقار: 43
بەپێی پێشبینییەکانی کەشوهەوای هەرێم، سبەى شەممە، ئاسمان نیمچە هەور بۆ هەوری تەواو دەبێت، بۆ دوای نیوەڕۆش نمە باران و بارانی مامناوەند بە پچڕپچڕی دەبارێت، بەڵام لە هەندێک لە ناوچەکان رێژەی بارانبارین زیاد دەکات.
پێشبینیکراوە، بارانبارین لە سنووری ئیدارەی راپەڕین و سۆران لە هەندێک کات و ناوچە دەگۆڕێت بۆ هەورە تریشقە و تاوە بارانی کورت خایەن. لە بەرەبەیانی رۆژی یەکشەممەشەوە کەشەکە بە تەواوی ئاسایی دەبێتەوە و کاریگەری باران بارین و تۆز و خۆڵ نامێنێت، پلەکانی گەرماش بە نزیکی یەک بۆ دوو پلە نزمتر دەبنەوە بەراورد بەمڕۆ.
