رێگای مەرزێکی نێودەوڵەتی کەڵکی رۆیشتنی نییە

کامیار کەمال- پێنجوێن

رێگاى مەرزى سەیرانبەن کە هاتوچۆى 50 گوندی سنوورى پێنجوێنیشى بەسەرەوە، خەریکە پەکى دەکەوێت و لافاو بەشێکیشى بردووە.

ئەمیر سۆفى جەمال، بەڕێوەبەری پاراستن و چاککردنی رێگاوبانی پێنجوێن بە 964ـى راگەیاند، بڕیار بۆ نۆژەنکردنەوەى دەرچووە، جارێک وەزارەتی دارایی بانگەوازی بۆ کردووە و هیچ کۆمپانیایەک وەری نەگرتووە و دووبارە بانگەواز دەکەنەوە”.

ئەنوەر سەلام کە دانیشتوویەکى سنوورەکەیە و شۆفێرە، بۆ 964 باسى لەو گرفتانەکرد کە بەهۆى رێگەکەوە تووشیان بووە.

ئەو دەڵێت: رێگەکە وێران بووە و کەڵکى هاتوچۆى نەماوە، جگە لە وێرانبوونى رێگەکە، لافاویش بەشێکی بردووە.

داواشى کرد، خەمێکیان لێبخۆن و رێگاکەیان بۆ چاک بکەن.

پێداچوونەوە: وریا فەتاح