هەرلە خۆتانەوە مەیخۆن
چۆن قارچکی ژەهراوی بناسیتەوە؟
964+
دیلان محەمەد جەزا – سلێمانی
ئێستا کاتی گیا بەهارییەکانە و رەنگە زۆرێک لە هاوڵاتیان قارچک لە دەشت و دەرببینن و بیهێننەوە ماڵەوە بەڵام ئەبێت زۆر ئاگادار بن کە ژەهراوی نەبێت.
بنار جەمال مامۆستا لە بەشی باخداری بۆ 964 وتی، ئەو قارچکانە کە لەدەشت دەڕوێن و هاوڵاتیان دەستیان پییان دەگات دەبێت وریای ژەهراویی بوونیان بین و لە رێگەی چەند خالێکەوە لە قارچکێکی ئاسایی و شیاو بۆ خواردن جیایان بکەینەوە.
بەم چەند خاڵە روونی کردەوە کە ئەم جۆرە قارچکانە ژەهراوین لەوانە:
– ئەگەر ئەنگوستیلەیەکی زیو بدەی بخشێنی بەسەری قارچکەکەدا و رەش بوو ئەوە ئەو قارچکە ژەهراوییە.
– قارچکە رەنگاورەنگەکان بەشێوەیەکی گشتی ژەهراوین.
– قارچکی ژەهراوی لە بەشی خوارەوەی پێکاهاتەیەک هەیە وەک پەڕدەیەکە ئەوە ژەهراوییە و شیاو نییە بۆ خواردن.
– قارچک لە کاتی کوڵاندا ئەگەر رەشاوی هەبوو ئەوە ژەهراییە بەڵام قارچکی ئاسایی ئاوێکی روونی پاکی هەیە.
پێداچوونەوە: توانا نەقی
