لە هەڵمەتیکی چاندنی گوڵدا
هەولێر بە گوڵ رازێندرایەوە
964+
ژێوار خدر
ئەندازەی پارکەکانی هەولیر هەڵمەتیکی گوڵ چاندنیان دەستپێکردووە و شەقام و بلوارەکانی شاری هەولێریان بە گوڵ و گوڵزار رازاندووەتەوە.
لە هەڵمەتەکەدا بەڕێوەبەرایەتی ئەندازەی پارکەکانی هەولێر، لە شەقام و دوورگە ناوەندیەکان زیاتر لە سێ هەزار و 500 گوڵیان لە جۆرەکانی رۆز ئەشرەفی و پەتۆنیا چاند.
دەشڵێن، هەڵمەتەکە بەردەوام دەبێت لە پێناو رازاندنەوە و جوانکردنی شەقامەکان و زیاد کردنی رێژەی سەوزایی شارەکە.
ئاماژەیان بەوەشکردووە، کە هەموو ئەو گوڵ و نەمامانە بەرهەمی نەمامگەکانی بەڕێوەبەرایەتی ئەندازەی پارکەکانە و بەدەستی کارمەندەکانیان بەرهەم هاتوون .
+6
