چویتە لای سینەماکانی سلێمانی بێ شوتیەکەی شێخ عەتا مەڕۆرەوە

دیلان محەمەد جەزا

نزیکەی 34 ساڵە لە کۆڵانی سینەماکانی بازاڕی سلێمانی شوتی دەفرۆشێت و شوتی گەورە نەبێت نایدات بە کڕیارەکانی.

شێخ عەتا عەبدوڵا شوتیفرۆش بە 964ـی وت، لە ساڵی 1991 ەوە لە1.4ـەوە تا 1.11 شوتی دەفرۆشێت بە لەت بە هاوڵاتیان و خواستێکی زۆری لەسەرە.

باسی لەوەکرد، ئێستا شوتی ئێرانی بەکاردێنێت تا شوتی ناوخۆ پێدەگات و هەر قاپێکی بە هەزار دینار دەفرۆشێت، ئەوەنە خیبرەی پەیدا کردووە بەسەیرکردن دەزانێت سور و شیرین و زبرە.

پێداچوونەوە: توانا نەقی