ئۆتۆمبێلێک وەرگەڕا و كەسێک گیانی لەدەست دا

964+

ئەرسەلان عەبدوڵا

لە رێگای نێوان کەلار- ناحیەی باوەنوور بەهۆی رووداوێکی هاتووچۆوە کەسێک گیانی لەدەست دا و کەسێکیتریش بریندار بوو رەوانەی نەخۆشخانە کرا.

بەڕێوەبەرایەتیی هاتوچۆی گەرمیان بڵاویكردەوە، ئێوارەی ئەمڕۆ پێنج شەممە 3.4.2025 بە هۆی وەرگەڕانی ئۆتۆمبێلیک لە جۆری تۆیۆتا کرۆلا لە نزیک گوندی بەرلووت، کەسێک گیانی لەدەست دا و کەسێکیتریش بریندار بوو.

ئاماژەیان بەوەش كردووە، بۆ زانینی هۆکار و شێوازی رووداوەکە تیمی هاتوچۆی گەرمیان گەیشتووەتە شوێنی رووداوەکە و لێکۆڵینەوەیان دەستپێکردووە.

هەروەها ئەوەشیان باس كردووە، بریندارەکە گواستراوەتەوە بۆ نەخۆشخانە بەمەبەستی وەرگرتنی چارەسەر.