لە پێنجوێن
چوار ئۆتۆمبێل بەیەکیاندادا و چوار کەس بریندار بوون
964+
کامیار کەمال – پێنجوێن
لە رووداوێکی هاتوچۆدا لەسەر رێگای گوندی کێلو چوار ئۆتۆمبێل پێکیاندادا و چوار کەسیش برینداربوون.
هێمن ئیبراهیم قایمقامی پێنجوێن بە 964ـی راگەیاند، لە دووڕیانی گوندی کێلو رووداوەکە روویداوە و نزیکە لە سەنتەری قەزای پێنجوێن.
وتیشی، لە رووداوەکەدا چوار ئۆتۆمبێل پێکیانداداوە و چوارکەسیش بریندارن بەڵام برینەکانیان سوکە و هەر لە پێنجوێن چارەسەریان وەرگرتووە.
وتیشی، یەکێک لە ئۆتۆمبێلەکان لە پێش و دواوە پێکراوە و زیانی مادیی گەیاندووە.
هاوکات بێستون مەحمود رێپێدراوی هاتوچۆ بە 96ـی راگەیاند، لە ئێستادا سەرقاڵی هێڵکارین بۆ رووداوەکە و لێکۆڵینەوە دەکەن.
هەر ئەمڕۆ لەسەر رێگای پێنجوێن سەیدسادق لە رووداوێکی هاتوچۆدا دوو کەس گیانی لەدەستداوە و دوانیش برینداربوون کە ئەندامی یەک خێزان بوون.
