"لەکاتی کارکردن لە زەوییەکی تەنیشت خانووەکە"
دیوار و سەقفی خانوویەک داڕما و پیکابی خاوەن ماڵی وێران کرد
964+
بڕوا مەجید – شارەزوور
لە ئەنجامی کارکردن و پاککردنەوەی پارچە زەوییەک لە شارەزوور بۆ دروستکردنی خانوو تیایدا، دیوار و بەشێکی سەقفی خانووی دراوسێکەیان رووخا و پیکابەکەی وێران کرد.
سۆران ئەحمەد شایەتحاڵێکی رووداوەکە بە 964ـی وت، “لەکاتی پاکردنەوەی زەوییەک بۆ دروستکردنی خانوو، کتوپڕ دیواری خانوویەکی تەنیشتی داڕماوە و کەوتووە بەسەر پیکابی خاوەن ماڵەکە و زیانی ماددی زۆری لێکەوتووەتەوە، بەڵام زیانی گیانی نەبووە”.
وەک دەڵێن، ئەو خانووەی داڕماوە پێشتر مەترسی رووخانی لەسەر بووە و چەند جارێکیش خاوەن ماڵەکە لەو بابەتە ئاگادار کراوەتەوە.
پێداچوونەوە؛ شۆڕش قادری
