964+

ئەرسەلان عەبدوڵا

كۆمپانیای بەبازاڕكردنی نەوتی عێراق ئاشكرای كرد، عێراق خاوەنی چوارەم گەورەترین یەدەگی نەوتە لە جیهاندا.

كۆمپانیای سۆمۆ ئەمڕۆ چوارشەممە لە راگەیاندراوێكدا باسیان لە گرنگیی رۆڵی نەوتی عێراق كردووە لە بازاڕی جیهاندا و ئاشكراشیان كردووە، عێراق خاوەنی چوارەم گەورەترین یەدەگی نەوتی جیهانە بە 145 ملیار بەرمیل.

سۆمۆ دەڵێت: فرۆشتن و بەبازاڕكردنی نەوتی خاوی عێراق لە سێ بازاڕی سەرەكییە، ئەوانیش بازاڕەكانی ئاسیا، ئەوروپا و ئەمریكا، هەروەها بازاڕی ئەفریقاش نەوتی عێراقی پێدەكات، ئەمە جگە لەوەی كۆمپانیاكە لە رێگەی بەشداریكردنی لە كۆنفرانس و بۆنە نیودەوڵەتییەكان، كۆبوونەوە و بەیەكگەیشتنی لەگەڵ كۆمپانیا گەورەكانی جیهان هەیە بە شێوەیەكی راستەوخۆ یان لە رێگەی ماڵپەری فەرمی لەسەر ئینتەرنێت.

“بانگهێشت و هەلی كراوە بۆ كۆمپانیا گەورەكانی جیهان دەڕەخسێنێت بۆ كڕینی راستەوخۆی نەوتی عێراق بە مەرجی دیار و راگەیاندراوەكانی و لە چوارچێوەی یاسا كارپێكراوەكان و مەزادەوە، كە كارمان كردووە بۆ راكێشانی كۆمپانیا جیهانییەكان، بۆ ئەوەی ببنە كڕیاری بەردەوامی نەوتی عێراق”، كۆمپانیای سۆمۆ وادەڵێت.

كۆمپانیاكە باسی ئەوەشی كردووە، نەوتی خاوی عێراق بە نرخی زیاتر یان كەمتر لە نرخی نەوتی برێنتی ئەمریكی دەفرۆشرێت، ئەمەش بەهۆی جۆری كوالێتییەكەی و تایبەتمەندییەكانی و خەرجییەكانی گواستنەوە و زەحمەتییەكانی ژێرخان و سیاسەتی ركابەری نرخ، بەڵام بەپێی بارودۆخی نەوتی جیهانی.

لە كۆتاییشدا ئاماژە بەوە دەكەن، عێراق پێنجەمە لە ریزبەندی ئەو وڵاتانەی نەوت بەرهەم دەهێنن بە رێژەی 4.27 ملیۆن بەرمیل لە رۆژێكدا، كە دووەم وڵاتی بەرهەمهێنەری نەوتە لە رێكخراوی ئۆپێك لە دوای سعودیە.

بەگوێرەی لێكدانەوە لە نرخی نەوتی عێراق بە نرخی 70 دۆلار بۆ هەر بەرمیلێك، ساڵانە بایی زیاتر لە 108 ملیار دۆلار نەوت دەفرۆشێت.

سۆمۆ تامی نەوتەکە دەکات؛ سێ ترلیۆن بۆ هەرێمی کوردستان دەمێنێتەوە

964+

ئەحمەد مستەفا

پاش نیوەڕۆی ئەمڕۆ تیمی فریاکەوتن دەچنە مۆڵەکان و ناوچە گەشتیارییەکانی ناوەندی سلێمانی، دووەم رۆژ و سێیەم رۆژی جەژن، تیم زیاد دەکرێ و دەنێردرێنە هاوینەهەوارەکانی دوکان و قەرەداغ.

ئەمە پلانی یەکەی فریاکەوتنی خێرایە لە سلێمانی، تا زوو بە هانای خەڵکەوە بچن کە گرفتی تەندروستییان هەبێ، خەڵک و گەشتیارانیش دەتوانن یەکسەر پەیوەندی بە ژمارە 122 بکەن.

سامان نادر، بەڕێوەبەی یەکەی فریاکەوتنی سلێمانی “سەنتەری 122” ئەمڕۆ یەکشەممە 30.3.2025، بە 964ی وت، سبەی پێنج تیمی تەندروستی بە کەلوپەلی پێویست دەچنە هاوینەهەواری دوکان و سێ تیمی تەندروستی دەنێرین بۆ سەیرانگەکانی قەرەداغ، تا ئاگاداری دۆخی تەندروستی و رووداوی نەخوازراو بن.

پلانەکە بەجۆرێکە، لە هەموو ئەو رێگایانەی گەشتیاران بەکاریدەهێنن بۆ چوونە گەشت، تیمی تەندروستی جێگیری لێ دەبێت جگە لەو تیمانەی دەنێردرێنە ناو سەیرانگەکان.

سامان نادر وتی، بنکە و مەڵبەندە تەندروستییەکان بەردەوام تیمی ئیشکگری تێدایە، بۆ هەر حاڵەتێکی نەخوازراو، تایبەت ئەو بنکە و ناوەندانەی سەر بە بەڕێوەبەرایەتی تەندروستی گشتی سلێمانین.

"ئەو چێشتخانانەی لە رەمەزاندا کراوە بوون دەبێت لە جەژنیشدا بیکەنەوە"