لۆگۆی وەزارەتی دارایی لە باڵەخانەی وەزارەتەکە لە هەولێر. وێنە: 964
تیمی تەكنیكی لە بەغدا پەیامیان هەیە
وەزارەتی دارایی: هەر بزانن موچەی مانگی سێ هات
+964
ئەرسەلان عەبدوڵا
تیمی تەکنیکی سەر بە وەزارەتی دارایی هەرێمی كوردستان دەڵێن، رێکارەکانی وەرگرتنی تەمویلی موچەی مانگی ئاداری فەرمانبەرانی هەرێمی کوردستان لە قۆناغی کۆتاییدایە.
ماوەی پێنج ڕۆژە تیمی تەکنیکی وەزارەتی دارایی و ئابووری هەرێمی کوردستان بەمەبەستی تەواوکردنی رێکارەکانی ناردنی موچەی مانگی ئادار لە شاری بەغدان، ئێستاش تیمەکە لەگەڵ فەرمانگەی بودجە و ژمێریاری وەزارەتی دارایی حکومەتی فیدراڵ لە قۆناغی تەواوکردنی رێکارەکانی وەرگرتنی تەمویلی موچەی مانگی ئاداری فەرمانبەران و موچەخۆرانی هەرێمی کوردستانن.
تیمەكە ئەمڕۆ یەكشەممە 23.3.025 راگەیاندراوێكیان هەیە و دەڵێن، سەرجەم رێکارەکان لە قۆناغی کۆتاییدایە و چاوەڕێ دەکرێت لە نزیکترین کاتدا تەمویلی موچەی مانگی ئادار لەلایەن وەزارەتی دارایی حکومەتی فیدراڵەوە بخرێتە سەر هەژماری بانکی وەزارەتمان.
