حکومەت دەیەوێت پێش جەژن موچەى مانگى سێ دابەش بکات

وریا فەتاح

دواى گەیشتنى موچەى مانگى دووى فەرمانبەران، سەرۆکى حکومەت داواى لە وەزیرەکان کردووە بەپەلە لیستى موچەى مانگى سێ ئامادە بکەن و بینێرن بۆ بەغدا.

پێشەوا هەورامانى، وتەبێژى حکومەتى هەرێم رایگەیاند، مەسرور بارزانی، سەرۆکی حکومەتی هەرێمی کوردستان، لە کۆبوونەوەی ئەمڕۆی ئەنجومەنی وەزیران، سەرجەم وەزیرەکانی راسپارد وەزارەتەکانیان لیستی مووچەی مانگی 3 بەپەلە ئامادە بکەن و بۆ بەغدای بنێرن.

دەشڵێت: سەرۆکى حکومەت داواى کردووە لە رۆژانی پشوودا دەوام بکەن، بۆ ئەوەی هەوڵ بدرێت پێش جەژن مووچەی مانگی 3 دابەش بکرێت.

ئەوەش لە کاتێکدایە، ئێستا ئەنجومەنى وەزیران لە کۆبوونەوەى هەفتانەى خۆیەتى و کەمێک لەمەوبەریش موچەى مانگى دوو لەلایەن بەغداوە نێردرا و سبەینێ دابەشکردنى موچە دەستپێدەکات.