دوو شوێن داخرا و چوار شوێنی دیکە غەرامەکران

964+
ئەحمەد مستەفا

قایمقامیەتی چەمچەماڵ دەڵێ، سەرەڕای پشووی فەرمی ئەمشەو لیژنە هاوبەشەکانیان ژمارەیەکی زۆر خواردنگە، ساردەمەنی، شیرینی، قاوەخانە و مارکێت و دوکانیان لە قەزای چەمچەماڵ بەسەرکردووەتەوە.

لەو بەسەرکردنەوانەدا بەهۆی پابەند نەبوونیان بە ڕێنماییەکانی لیژنەکانیان، دوو شوێنیان داخستووە و چوار شوێنی دیکەیان غەرامە کردووە.

قایمقامیەت دەڵێ، بەهۆی هاتنی مانگی رەمەزانەوە لیژنەکانی قایمقامیەت بەڕۆژ و بەشەو بەردەوامن لەگەڕان و بەسەرکردنەوەی خواردنگە و بازاڕ و شوێنە گشتیەکان.

لیژنەکە داوا لە هاوڵاتیان دەکات، لەکاتی بینینی هەر سەرپێچیەک لیژنەکان ئاگاداربکەن بەم ژمارە تەلەفۆنە: 07718343040