بەهاوکاری خێرخوازی دیکە
سەمونخانەیەک بە هەزاران سەموون دەکات بە خێر
964+
کاروان ساڵحی – کەرکوک
بەبۆنەی مانگی رەمەزانەوە خاوەن سەمونخانەیەک پێنج هەزار سەمون بەبێ بەرامبەر دابەش دەکات و دەدات بەهاوڵاتیان و کەسانی کەمدەرامەت.
سۆران عوسمان خاوەن سەمونخانەی ئیسکان لە کەرکوک بە 964ـی وت، بیرۆکەی خیرەکە لەوەهات ساڵی رابردوو خێرخوازێک پێ وتین پارەت دەدەمی بیکە بە سەمون و بیکە بەخێر، دوو رۆژ پێش رەمەزان پەیوەندیم پێوە کرد، هەستم کرد پەشیمان بووەتەوە، ئەوە بوو خۆم پێی هەستام لە یەکەم رۆژی رەمەزان دوو هەزار سەمونم کرد بەخێر و لە شەوی قەدریش پێنج هەزار سەمون.
وتیشی، بۆ ئەمساڵ خێرخوازێکی زۆر خێری کردووە و لەگەڵ هی خۆمدا بڕی پێنج هەزار سەمون لە یەکەم رۆژ و دووەم رۆژی رەمەزان دابەش دەکەین و بۆ شەوی قەدریش سوپرایزە نامەوێت ئاشکرای بکەم بەڵام لە ساڵی رابردوو زۆر باشتردەبێت.
پێداچوونەوە: توانا نەقی