گەرمیان
گولـلە هاوەنێک بە منداڵێکدا تەقییەوە و گیانى لەدەستدا
964+
میلاد جەلال- گەرمیان
لە گوندێکى گەرمیان، لە کاتى یاریکردن بە گولـلە هاوەنێک، تەقینەوە روویدا و بەهۆیەوە منداڵێک گیانى لەدەستدا.
سەرچاوەیەکی ئەمنی لە گەرمیان بە 964ـى وت،”لە گوندی حاجی عەوادى سەر بە قەزای کفری، لە کاتێکدا منداڵێک یارى بە سەرى گولـلە هاوەنێک کردووە و لەو کاتەدا تەقیوەتەوە”.
ئاشکراشى کرد، بەهۆیەوە منداڵەکە گیانى لەدەستداوە.
بە وتەى ئەو سەرچاوە ئەمنییە، منداڵەکە لە کاتى یاریکردن بەو سەرى گولـلە هاوەنە، بەردى پێداکێشاوە و بەهۆیەوە تەقیوەتەوە.
منداڵەکە ناوی (س.ی)ـى تەمەن نۆ ساڵە و تەرمەکەى رەوانەى پزیشکى دادى کەلار کراوە.
پێداچوونەوە: وریا فەتاح