شەش كەس لە سنووری سلێمانی دەستگیر كران

964+

ئەرسەلان عەبدوڵا

فەرماندەیی هێزەكانی پاسەوانی سنوور دەستگیرکردنی شەش كەسی بیانییان راگەیاند، كە هەوڵیاندابوو لە سنووری پارێزگای سلێمانییەوە دزە بكەنە ناو هەرێمی كوردستان و عێراقەوە.

سەرچاوەكە لە راگەیاندراوێكدا دەڵێت، شەش كەس كە خەڵكی وڵاتانی ئاسیان، لەلایەن فەوجی 2ی لیوای 21ی هێزەكانی سنوور لە دوو چالاكیدا دەستگیر كران.

ئاماژە بەوەش دەكەن، ئەو كەسانە بە نایاسایی و قاچاغ هەوڵیانداوە سنووری پارێزگای سلێمانی ببڕن و دزەبكەنە ناو هەرێمی كوردستان و عێراقەوە

(6) دزەکاری نەتەوە ئاسیاییەکانی ڕاگەیاند کە هەوڵیان داوە بەشێوەیەکی نایاسایی لە سنوری سلێمانی سنوور ببڕن.

“رێوشوێنی یاسایی بەرامبەر ئەو كەسانە گیراوەتەبەر و كۆنووسی دەستگیركرانیان رێكخراوە و رادەستی لایەنی پەیوەندیدار دەكرێن”،  فەرماندەیی هێزەكانی پاسەوانی سنوور وادەڵێن.

ئەم ماوەیە ئەو هەوڵانەی خەڵكی وڵاتانی بیانی بۆ هاتنە ناو كوردستان و عێراق زۆربووە، كە زیاتر بۆ كاركردن بەبێ ئیقامە و رێوشوێنی یاسایی دێنە كوردستان و عێراق، چەند جارێكیشە بە كۆمەڵ دەستگیر دەكرێن.

لە چەند رۆژی رابردوو بە هەمان شێوە كۆمەڵێكی دیكەی ئەو بیانییانە دەستگیر كران، هەروەها مانگی رابردووش ئاسایشی هەڵەبجەی تازە، 13 هاوڵاتى ئەفغانى و پاکستانى و فلیپینى دەستگیرکرد کە لە هەوڵدابوون بە شێوەیەکى نایاسایى بەرەو خوارووى عێراق بڕۆن.

28 كەسی قاچاغ لە سنووری سلێمانی دەستگیركران