لە کاتی گەیاندنی نەخۆشێک بە فریاکەوتنی زاخۆ
ئەمبۆڵانسێک تووشی رووداوی هاتوچۆ بوو
964+
شڤان عەبدوڵا – زاخۆ
کەمێک پێش ئێستا لەکاتی گەیاندنی نەخوشێک بۆ فریاکەوتنی زاخۆ ئەمبۆلانسێک لەگەڵ پیکابێک پێکیاندادا و تووشی رووداوی هاتوچۆ بوون.
نزیک کاتژمێر 11:00ـی ئەمشەو سێشەممە، لەسەر رێگای قەزای باتیفا بۆ ئیدارەی زاخۆ ئەمبۆڵانسێک لە ناحیەی کانی ماسی لەکاتی گەیاندنی نەخوشێک بۆ فریاکەوتنی زاخۆ لەگەڵ پیکابێک پێکیاندادا و تووشی رووداوی هاتوچۆ بوو.
ئەمیر عەلی، وتەبێژی تەندرووستی زاخۆ بە 964ـی وت، “رووداوەکە لەسەر رێگەی قەزای باتیفا – زاخۆ روویداوە، ئەمبوڵانسێک کە نەخۆشیکی گواستووەتەوە، لەگەڵ ئۆتۆمبێلێکی تایبەت لە جۆری پیکاب بەیەکیانداداوە.
وتیشی، دوای رووداوەکە شوفێرێکی تەکسی نەخوشەکەی بە ئۆتۆمبێلی خۆی گەیاندووەتە فریاکەوتنی زاخۆ و ئێستا لەژێرچاودێری پزیشکیدایە، سەرنشینەکانی تریش سەلامەتن.
پێداچوونەوە: ژێوار خدر
