لە پێنجوێن
دوو رۆژە مێردمنداڵێک ونبووە و کەسوکارەکەی سۆراغی دەکەن
964+
کامیار کەمال – پێنجوێن
لاوی مێردمنداڵێکی تەمەن 14ساڵە، دوو رۆژ لەمەوبەر دەمە و ئێوارە بە ماتۆڕەکەی چوەتە دەرەوە، بەڵام تا ئەمڕۆ نەگەڕاوەتەوە و کەسوکارەکەشی کەوتوونەتە سۆراغی و نازانن هەواڵی چییە.
نەژاد سیاگوێزی، باوکی لاوییە ئەو بە 964ـی وت، کوڕەکەی وازی لە خوێندن هێناوە و لەگەڵ خۆیدا کاری جوتیاری کردووە و هیچ کێشەیەکیشی نەبووە.
باسی لەوەشکرد، لە هیچ کاتێکی ژیانیان کێشەیان نەبووە و ئاسایی ژیانیان بەڕێ کردووە.
باوکی لاوی سکاڵاشی تۆمار نەکردووە، چونکە بە وتەی ئەو، جارێکی دیکەش هەوڵی داوە ماڵ جێبهێڵێت.
پێداچوونەوە: توانا نەقی
