نەورۆز و زەوڕا یەکسان بوون
هاندەرانی نەورۆز: ناوبژیوان غەدری زۆری لێکردین
964+
دیلان محەمەد – سلێمانی
هاندەرانی نەورۆز دوای کۆتایی هاتنی یاری یانەکەیان لەگەڵ یانەی زەوڕا ناڕازیین لە بڕیارەکانی ناوبژیوانی یارییەکە و دەڵێن، ناوبژیوان ستەمی زۆری لە یانەکەیان کردووە.
دوانیوەڕۆی ئەمڕۆ شەممە 15.2.2025 لە چوارچێوەی یارییەکانی تۆپی پێ و گەڕی 20ـی خولی ئەستێرەکانی عێراق کە دەستپێکی قۆناغی دووەمە، یاریی نێوان هەردوو یانەی نەورۆز و زەوڕا بە میوانداریی نەورۆز لە سلێمانی بەڕێوەچوو و یارییەکە بە ئەنجامی یەک گۆڵ بۆ هەردوولا و بەیەکسانبوون کۆتایی هات.
دوای یارییەکە هاندەرانی نەورۆز لە بڕیارەکانی ناوبژیوان رازی نەبوون و چەند هاندەرێکی نەورۆز بە 964ـیان وت، “هەرچەندە حەکەم غەدری زۆری لە نادی نەورۆز کرد و چەند فاوڵێکی بۆ حیساب نەکردن، بەڵام زۆر دڵخۆش بووین کە گۆڵی یەکسانبوونیان تۆمار کرد”.
ئاماژەیان بەوەش کرد، هاندەرێکی سەرسەختی یانەی نەورۆزن و هەمیشە لە کاتی بەڕێوەچوونی یارییەکان، دەچنە یاریگە و پاڵپشتی لە یانەی نەورۆز دەکەن.
پێداچوونەوە: شۆڕش قادری
نەورۆز سەرکەوت و ئاراوخۆ باشنییە و هاوسەرەکەی راموسیش جیادەبێتەوە
