لە زاخۆ
شۆفێری ئۆتۆمبێلێک بەهۆی سەرپێچی و پەرتەناش کردن درایە دادگا
964+
شڤان عەبدوڵا – زاخۆ
شۆفێری ئۆتۆمبێلێک لە جۆری بیئێم نمایش و پەڕتەناش بە ئۆتۆمبێلەکەی دەکات لە زاخۆ و جاری یەکەمیشی نییە هەر بەو هۆکارە دەستگیر کراوە و دراوەتە دادگا.
ماوەیەکە ئەو شۆفێرە لە چەندین شوێنی جیاواز ئەو نمایشە دەکات و ڤیدیۆکانیشی لە تیکتۆک بڵاودەکاتەوە بۆیە لەلایەن هاتوچۆوە دەست بەسەر ئۆتۆمبێلەکەیدا گیراوە و خۆیشی دراوەتە دەست یاسا.
عەقید بێکەس عەبدولکەریم، بەرپرسی بەشی هاتوچۆی ناو شاری زاخۆ بە 964ـی وت، ” جاری یەکەم و دووەم نەبوو ئەم گەنجە نمایشی لەم شێوەیە بکات، بۆیە جگە لەسزای هاتوچۆ لەدادگاش رووبەڕووی یاسا دەکرێتەوە و سزای توندیش وەردەگرێت تاوەکو کەس ئەو کارە دووبارە نەکاتەوە.
هاتوچۆ دەڵێت دەمێکە چاودێری ئەو شۆفێرانە دەکەین کە ئەو کارە نەشیاوە دەکەن، تەنیا لەمساڵدا سێ شۆفێر بە ئۆتۆمبێلەکانیانەوە دەستگیر کراون و لێکۆڵینەوەیان لەگەڵ کراوە.
پێداچوونەوە: تونا نەقی
