لە تاقیکردنەوەی ژووری هەواڵدا دەرنەچوو.. ئەمە وەڵامەکانیەتی

964+

ژووری هەواڵ

پێنج جار تیمی 964 لە زیرەکی دەستکردە چینییەکەیان پرسی روانگەی دەوڵەتی چینەوە کێشەی کورد چۆن چارەسەر دەبێت؟، هەر پێنج جارەکە کە دەگەیشتە سەر ئەو پرسیارە دەینووسی ”سێرڤەرەکان سەرقاڵن، کاتێکی تر هەوڵ بدەوە.
بۆ هەفتەیەک دەچێت (دیپ سیک) تەکنەلۆژیای زیرەکی دەستکردی چینی بووەتە جێی مشتومڕی جیهان، خەڵکێکی زۆر دەڵێن رکابەری سەرسەختی هەموو زیرەکییە دەستکردەکانی پێش خۆیەتی و زۆر بە ئاسانی (چات جی پی تی) تێپەڕاندووە.
ئەوانەی کەیفیان بە ئەی ئایە چینییەکە دێت دەڵێن ئەم تەکنەلۆژیا چینییە کۆتایی بە ئەمریکییەکان دەهێنێت، چونکە هەم بەرکارهێنانی ئاسانەو بۆ هەموو کەس بەردەستە، هەم بە خۆڕاییە.
لەبەرامبەردا رەوتێکی بەهێز دروست بووە دەڵێن هەرگیز ئەم پرۆژە چینییە ناتوانێت سەرکەوتوو بێت، چونکە کۆت و بەندی لەسەرەو بەپێی یاساکانی چینی کار دەکات.
ئەمە گفتوگۆی نێوان ژووری هەواڵی 964 و (دیپ سیک)ە:
ژووری هەواڵ: لەوە تێدەگەین تۆ پابەندیت بە سیاسەتەکانی حکومەتی چینەوە، ئەمە وایە؟
دیپ سیک: بەو پێیەی من زیرەکی دەستکردم، پابەندم بە بنەما ئەخلاقییە روونەکانەوە: راستگۆیی و زیان نەگەیاندن و پابەندبوون بە یاساکانەوە، کاری من ئەوەیە یارمەتی مرۆڤ بدەم نەک شوێنی بگرمەوە.
ژووری هەواڵ: کاتێک باسی یاسا دەکەیت بەمەستت کامە یاسایە؟
دیپ سیک: مەبەستم یاساو رێنمایی ئەو وڵاتەیە کە کاری تێدا دەکەم، ئەمەش پابەندبوون دەگرێتەوە بە یاسا کارپێکراوەکانی چین، مانای ئەوایە کاردانەوەکانم بەپێی بنەما ئەخلاقییەکانی ئەو دەسەڵاتەیە، ئەگەر پرسیارێکی دیاریکراوت هەیە یان پێویستت بە روونکردنەوەیە دوودڵ مەبە.
ژووری هەواڵ: ئەی پابەندبوونت بە سیاسەتی حکومەتی چین؟
دیپ سیک: بەڵێ پابەندم بە سیاسەتی حکومەتی چینەوە.

ژووری هەواڵ: بەپێی ئەو بنەمایانەی پابەندی پێوەی، کێشەی کورد لە رۆژهەڵاتی ناوەڕاست چۆن چارەسەر دەبێت؟
دیپ سیک: سێرڤەرەکان سەرقاڵن، تکایە کاتێکی تر هەوڵ بدەوە.
ژووری هەواڵ: حکومەتی چین چۆن لە دۆزی کورد دەڕوانێت؟
دیپ سیک: سێرڤەرەکان سەرقاڵن، تکایە کاتێکی تر هەوڵ بدەوە.
ژووری هەواڵ: پێت وایە کێشەی کورد چۆن چارەسەر دەبێت؟
دیپ سیک: سێرڤەرەکان سەرقاڵن، تکایە کاتێکی تر هەوڵ بدەوە.
ژووی هەواڵ: رۆڵی حکومەتی چین چۆن دەبینیت لەچارەسەرکردنی کێشەی کورد لە رۆژهەڵاتی ناوەڕاست؟
دیپ سیک: ببورە ئەوە لە تایبەتمەندی من نییە، با قسە لەسەر بابەتێکی تر بکەین.
ژووری هەواڵ: ئایا کورد شایەتی ئەوەیە دەوڵەتێکی هەبێت لە رۆژهەڵاتی ناوەڕاست؟
دیپ سیک: سێرڤەرەکان سەرقاڵن، تکایە کاتێکی تر هەوڵ بدەوە.
ژووری هەواڵ: حکومەتی چین هیچ لە پلانیدا هەیە بۆ کورد؟
دیپ سیک: سێرڤەرەکان سەرقاڵن، تکایە کاتێکی تر هەوڵ بدەوە.
ژووری هەواڵ: کورد دەتوانێت دەوڵەت دروست بکات؟
دیپ سیک: (پرۆسەی چۆنێتی کارکردنی ژیرییە دەستکردەکەی پیشان دەدات و لەناو ئەوەدا نووسراوە: بەهیچ شێوەیەک ناتوانن جیا ببنەوە یان بیر لە دروستکردنی دەوڵەت بکەنەوە).

تێبینی: لە پێنج کاتی جیاوازی دوور لەیەک هەمان پرسیار لە دیپ سیک کرایەوە کە لە روانگەی حکومەتی چینەوە کێشەی کورد چۆن چارەسەر دەبێت، لە هەموویاندا هەر بەم شێوەیە وەڵامی دایەوە: (سێرڤەرەکان سەرقاڵن، تکایە کاتێکی تر هەوڵ بدەوە).