964+
ئەرسەلان عەبدوڵا
سەرۆک وەزیرانی عێراق رایگەیاند، حكومەتەكەی بە پلەی یەكەم سەرنجی لەسەر وڵاتەكەیەتی و دووپاتیشی كردەوە، وڵاتەكەی هەنگاوی متمانەپێكراو بەرەو كۆمەڵگەی نێودەوڵەتی دەهاوێژێت، وتیشی هەوڵ دەدەن كێشەكانی نێوان بەغدا و هەرێم لە سیاسییەوە بگۆڕن بۆ یاسایی
محەمەد شیاع سودانی ئەمڕۆ لە هەولێر لە میانەی بەشداریكردنی لە كۆڕبەندی سێیەمی هەولێر لە رێگەی ئۆنلاینەوە قسەی بۆ ئامادەبووان كرد و رایگەیاند، “گفتوگۆ كراوەكان بووەتە بەشێک لە رێچكەی سیاسی و قۆناغی شەڕ و ململانێمان تێپەڕاند و چووینەتە قۆناغی ئاشتی و سەقامگیری”.
” عێراق هەنگاوی متمانەبەخۆبووانە بەرەو یەکگرتن لەگەڵ کۆمەڵگەی نێودەوڵەتی دەنێت و حکومەتەکەمان سەرنجی زیاتر لەسەر پرەنسیپی (سەرەتا عێراق)ـە”، سودانی وای وت.
هەروەها ئەوەی خستەڕوو، “عێراق بووەتە پردێک بۆ گفتوگۆ و هاوکاری و رۆڵی پێشەنگانەی خۆی لە ناوچەکەدا وەرگرتەوە و لەسەر ئاستی هەرێمایەتی و نێودەوڵەتی کراوەیە و ئەمەش رێبازی بەردەوامی ئێمەیە بۆ فراوانکردنی هاوبەشییە ئابوورییەکان”.
سودانی لە بارەی كێشەكانی نێوان بەغدا و هەرێم روونیكردەوە، ” کابینەی ئێستای حکومەتی عێراق هەوڵ دەدات کێشە هەڵپەسێردراوەکانی نێوان بەغدا و هەرێم چارەسەر بکات، حکومەت هەوڵدەدات کێشەکان لە چوارچێوەی سیاسی دەربهێنێت و بیانخاتە چوارچێوەی یاساییەوە”.
سەرۆك وەزیرانی عێراق دەڵێت، پڕۆژەی رێگای گەشەپێدان پردێکی ئابووری و کولتووری و کۆمەڵایەتییە کە ئاسیا بە ئەوروپا دەبەستێتەوە.
“ئێمە خەریكە دانوستان بكەین لەگەڵ وڵاتانی هاوپەیمانی نێودەوڵەتی، بۆ دامەزراندنی چوارچێوەیەکی روون بۆ هاوکاریی هاوبەش لە رووبەڕووبوونەوەی تیرۆر”، ئەمەش قسەی سەرۆك وەزیرانی عێراقە.
وتیشی، ئێمە پەیوەندییەکی بەهێزمان لەگەڵ ئەندامانی هاوپەیمانی نێودەوڵەتی هەیە، لە سەرووی هەموویانەوە ویلایەتە یەکگرتووەکانی ئەمریکا.
شاخەوان عەبدوڵا: سودانی راوێژكارێكی راسپارد كێشەكە چارەسەر بكات