بە بڕینی دارەکان رازی نەبوون؛ بن و ریشەشیان سووتاندن

964+

شۆڕش قادری

سەرەڕای بێبارانی و وشکەساڵی، مرۆڤەکان خۆیان بوونەتە بەڵا بۆ گیانی ژینگە و درەختەکان، ئەوەتا لە خەلەکان چەند هەلپەرستێک، تەنها بۆ مەرامی شەخسی خۆیان و فراوانکردنی زەوییەکانیان، درەختەکان دەبڕنەوە و بەبڕینەوەشیان رازی نابن، بن و ریشەکانیان دەسووتێنن بۆ ئەوەی هەڵنەدەنەوە.

کۆمەڵێک دار بڕدراونەتەوە و پاشان بنی دارەکان سوتێنراون بەمەبەستی لەناو بردنیان و پاکردنەوەی زەویەکەیان

هێمن کەمەرخان وتەبێژی پۆلیسی دارستان و ژینگەی سلێمانی بە 964ـی وت، “لەئەنجامی دەرچوونی مەفرەزەیەکی بنکەی پۆلیسی دارستان و ژینگەی خەلەکان بۆ پاراستنی ژینگە و سروشتی سنورەکەیان، دەرکەوتووە کە کۆمەڵێک دار بڕدراونەتەوە و پاشان بنی دارەکان سوتێنراون بەمەبەستی لەناو بردنیان و پاکردنەوەی زەویەکەیان”.

“دوای بەدواداچوونی ورد، توانراوە پێنج هاوڵاتى بەتۆمەت و ئەنجامدەرى ئەو کارە دەستگیر بکرێن، پەڕاوی لێکۆڵینەوەیان بۆ کراوەتەوە و رادەستی دادوەر کراوە”، هێمن کەمەرخان وای وت.

دارستانەکانى بنارى قەندیل لەژێر هەڕەشەى داربڕەکاندان

نزیکەی دوو هەفتە لەمەوبەریش 964 لەسەر داوای چەند هاوڵاتییەک سۆراغێکی بۆ دارستانەکانى بنارى قەندیل کرد و دەرکەوت، لە سنوورى ناحیەى ژاراوە و لە گوندەکانى بەرد قەڵشیو و کوڵاو رەشان و پشتى کوزینە، ژمارەیەکى زۆر دار بڕدراونەتەوە.

لە بناری قەندیلیش داربڕەکان، بە بڕینى دارەکانەوە نەوەستابوونەوە، بۆ شاردنەوەى شوێنپەنجە بنی دارەکانیان سووتاندبوو، کە لەم حاڵەتەدا دارەکە جارێکى دیکە ناتوانێت سەرهەڵبداتەوە.

لە مێرگەپان 40 داربەڕوو قەتڵوعام کران؛ لە بەرزنجەش داربڕێک دەستگیرکرا

داربڕەکەى ژاراوە دەستگیرکرا