زەویی شارەوانیی شارەزوور سیاج کراوە بۆ بەخێوکردنی ئاژەڵ و پەلەوەر

964+
ئەحمەد مستەفا

شارەوانیی شارەزوور حەوت رۆژ ماوە دەدات بەو خاوەن ئاژەڵانەی، کە لەسەر زەوی ئەو دامەزراوەیە سیاجیان داناوە و شوێنیان بۆ بەخێوکردنی ئاژەڵ و پەلەوەر دروست کردووە.

شارەوانیی قەزاکە نیەتی وایە، لەو ماوەیەدا ئەو هاوڵاتییانە پابەندبن و سیاجەکان هەڵبگرن، ئەگینا بەپێی یاسای لابردنی زیادەڕەوی رێکاریان لە بەرانبەر دەگرێتەبەر.

لە ئاگادارییەکدا، کە 964 بینیوویەتی سەرۆکایەتیی شارەوانیی شارەزوور دەڵێ، سەرجەم ئەو هاوڵاتییانەی کە سیاج و شوێنی بەخێوکردنی ئاژەڵ و پەلەوەریان لەسەر زەوییە خزمەتگوزارییەکانی شارەوانی دروست کردووە لە ماوەی حەوت رۆژدا لە رۆژی بڵاوکردنەوەی ئەم ئاگادارییەوە سەرجەم سیاج و ئەو شوێنانە لابەرن.

شارەوانی لە بارەی ئەگەری رێکار لە دژی ئەو هاوڵاتییانە باسی لەوە کردووە، بە پێچەوانەوە بەپێی ئەحکامەکانی یاسای ژمارە (3ی ساڵی 2018) و یاسای لابردنی زیادەڕەوی رێکاری یاسای توند دەگیرێتە بەر.

ئامانج لەو یاسایە، پارێزگاریکردنە لەو زەوی و موڵکانەی کە بە ناوی دەوڵەتەوەن، لە قورسترین رێکاری یاساکەشدا هاتووە، لە نێوان سێ ملیۆن دینار بۆ 15 ملیۆن دینار وەک پێبژاردنی یاسایی چەسپێندراوە، هەروەها حکومی یەک ساڵ زیندانیکردنی تێدایە.

ئاوی شارەزوور میرئاوی خانەنشین دەبێ و کێشەی بۆ دروست بووە

خەڵکی شارەزوور و ژینگەی سلێمانی لە بۆسەدان بۆ کارگەکانی تانجەرۆ