گرفتى سەرەکییە
راوچیەکانى گەرمیان ئۆتۆمبێلى باشیان پێیە و ئەوانەى پۆلیس نایانگرنەوە
964+
میلاد جەلال_گەرمیان
پۆلیسى دارستان و ژینگەى گەرمیان توشى گرفتى زۆر بوون، لەلایەن ئۆتۆمبێلەکانیان کۆنن و ئۆتۆمبێلە مۆێل بەرزەکانى راوچیانیان پێ ناگیرێن، لەلایەکى دیکە گرفتى کەمى بەنزین و کارمەندیان هەیە.
ھاشم عەلی، وتەبێژی پۆلیسی دارستان و ژینگەی گەرمیان بە 964ـى وت،”ئۆتۆمبێلەکانمان لە دەورووبەرى 2010ن و کۆنن، لە کاتى دەرچوون مەفرەزەکانمان ناتوانن ئۆتۆمبێلى راوچییەکان بگرنەوە، چونکە هى ئەوان مۆدێل بەرزن”.
“جگە لە ئۆتۆمبێل و کەرەستە، کێشەی کەمی کارمەندیشمان ھەیە، بەڵام لێھاتویی و دڵسۆزی کارمەندەکان وایکردوە کە کەمی کارمەندمان کەمتر پێوە دیاربێت”، ھاشم عەلی وای وت
.
ئاماژەی بەوەشکرد، ئەو بڕە بەنزینەی بۆیان دابین دەکرێت بەشیان ناکات و کەمە، زۆرجار ئەفسەر و کارمەندەکان وەکخۆى دەڵێت، بە پارەى خۆیان بەنزین دەکڕن.
ئەوەش لە کاتێکدایە، سنوورى گەرمیان ناوچەیەکى بەرفراوانى راوکردنە و راوچییەکى زۆرى لێیە و ناوە ناوەش پۆلیسى دارستان دەستگیریان دەکات.
پێداچوونەوە: وریا فەتاح
