بە نارنجۆک هێرشکراوەتە سەر نوسینگەی وەزیر

+964
عادل کانەبی

شەوی رابردوو، لە بەغدا بە نارنجۆک هێرشکراوەتە سەر نوسینگەی ئەحمەد ئەسەدی وەزیری کاری عێراق، بەڵام تەنیا زیانی مادی هەبووە.

بەپێی زانیارییەکانی تۆڕی 964، هێرشەکە لە ناوچەی نەهڕەوانی پارێزگای بەغدا بووە لە لایەن چەند چەکدارێکی نەناسراو ئەنجامدراوە.

بەهۆی ئەوەی درەنگانی شەو بووە و دەوامی تێدا نەبووە، تەنیا زیان بەر دار و دیواری ئۆفیسەکە گەیەنراوە.

شایەنی باسە تاوەکو ئێستا دەزگا ئەمنییەکانی بەغدا هیچ لێدوانێکیان بۆ راگەیاندن نەداوە لەبارەی ئەم بابەتە.