نرخی نەوت رووی لەدابەزین کردەوە
ئەمڕۆ و سبەی یەکلاکەرەوەیە
نرخی نەوت لە چاوەڕوانی دانوستانی ئەمریکا و ئێران دابەزی
964+
ئەرسەلان عەبدوڵا
ئەمڕۆ سێشەممە 21.4.2026 نرخی نەوت لە بازاڕی جیهانیدا دابەزینی بەخۆیەوەبینی، ئەمەش بەهۆی چاوەڕوانی لە بەڕێوەچوونی دانوستانی ئێران و ئەمریکا لە پاکستان.
نرخی ئەمڕۆی نەوت بەم جۆرە مامەڵەی پێوەکرا: یەک بەرمیل نەوتی خاوی برێنت بە 94.53 دۆلار و بە رێژەی 1% دابەزی، هەروەها نرخی بەرمیلێک ناوی سووکی تێکساس بە 88.07 دۆلار مامەڵەی پێوەکرا و ئەویش بە رێژەی 1.7% دابەزینی بەخۆیەوەبینی.
نەوت و دراو و زێڕ و هەموو بازاڕی دنیا ئەمڕۆ و سبەی لە چاوەڕوانی کۆتاییهاتنی وادەی ئاگربەست و هەروەها ئەگەری بەڕێوەچوونی گەڕێکی دیکەی دانوستانی نێوان ئەمریکا و ئێران دەبن، کە کاریگەری راستەوخۆی لەسەر نرخ و جوڵەی بۆرسەدا هەیە، بە شێوەیەکی ئۆتۆماتیکیش ئەگەر رێککەوتن نەکرێ، ئەوا نرخەکان بەرز دەبنەوە.
