بریکارەکانی خۆراک لە قەرەداغ؛ فۆڕمی نەوت نوێ دەکەنەوە

964+

ئەحمەد مستەفا

بریكاره‌كانی خۆراك، له‌ قه‌زای قه‌ره‌داغ-ی پارێزگای سلێمانی هاوڵاتیان ئاگادار ده‌كه‌نه‌وه‌ كه‌ فۆرمی نه‌وته‌‌كانیان بۆ بریكاری خۆراكه‌كانیان بگەڕێننه‌وه‌، ئەوەش به‌مه‌ستی نوێكردنه‌وه‌ی.

بۆ ئه‌وه‌ی سوودمه‌ندبن له‌ وه‌رگرتنی نه‌وت و مافیان نه‌فه‌وتێ.

لەو بڵاوکراوەکەدا کە  وێنەیەکی بە 964 گەیشتووە، ئەو بریکارانە داوا لە دانیشتووانی قەزای قەرەداغ ، گوندەکانی و ناحیەی سێوسێنان دەکەن، بۆ ئەوەی فۆڕمی نەوت نوێ بکەنەوە، بچن بۆ لای بریکارەکان.

لە کاتی چوون فۆڕمی کۆنەکە ببەن و بڕی 5000 هەزار وەردەگیرێ، ئەو کەسانەشی کە تازە هاوسەرگیریان کردووە، بۆ دروستکردنی کارتی نەوت دەبێت، فۆڕمی خۆراکی ماڵ باوکی پیاو، فۆڕمی خۆراکی ماڵ باوکی ژن، گرێبەستی هاوسەرگیری و کارتی نیشتیمانی ژن و پیاوەکە ببرێ بۆ لای بریکار.

قەزای قەرەداغ، بە دووری نزیكەی 45 كیلۆمەتر دەکەوێتە باشوری رۆژئاوای سلێمانی، ناحیەی سێوسێنان و 84 گوند دەکەونە سنوورەکەیەوە و 22 فەرمانگەی تێدایە، ئەمە جگە لەوەی زیاتر لە 10 هەزار و 900 کەس ژمارەی دانیشتووانەکەیەتی و هاوبەشی خۆراکن.

یەکشەممە سەیدسادق کارتی نەوت دروستدەکات

بەڕێوەبەرایەتی ناحیەی سکتان بۆ هاوڵاتیان: بچن بۆ کارتی نەوتەکانتان

نەبوونی فۆڕمی خۆراک گرفتی بۆ دامەزراندن و نەوتیش دروستکردووە