جلی بۆ چەكدارانی داع*ش* دەدوری و دەستگیر كرا

964+

ئەرسەلان عەبدوڵا

بەڕێوەبەرایەتیی هەواڵگریی سەربازیی عێراق، دەستگیرکردنی ژنێكی راگەیاند، كە بەرپرس بووە لە دابینكردنی پارە بۆ خانەوادەی چەكدارانی دا*عش* و دورینی جلوبەرگی سەربازی بۆ چەكدارەكان.

لە راگەیەندراوێکی بەڕێوەبەرایەتییەکەدا، كە ئەمڕۆ بڵاوكراوەتەوە، هاتووە، لە ئۆپەراسیۆنێکدا و بەدواداچوونی مەیدانی و تەکنیکی لەسەر بنەمای زانیاری هەواڵگری دروستی فیرقەی هەشتی هەواڵگری، ژنێك بە تۆمەتی تیرۆر و ئەندامیەتی داعش لە قەزای حەویجەی سەر بە پارێزگای كەركوك دەستگیر بكرێت، كە بەپێی ماددەی (4ی تیرۆر) بڕیاری دەستگیركردنی هەبوو.

ئاماژەیان بەوەش کرد، “ئەو تیر*ۆر*یستە كاری وەرگرتن و دابەشكردنی پارە بووە بەسەر خێزانەكانی سەر بە چەكدارانی داعش لە قەزای حەویجە و هەروەها دورینی جلوبەرگ بووە بۆ چەكدارەكان”.

راگەیاندراوەكەی هەواڵگریی سەربازیی عێراق دەڵێت، ژنە دەستگیراوەكە رادەستی لایەنی بەرپرس و پەیوەندیدار كرا.

11 هەزار داعش لەوانەیە هێرش بکەنە سەر موسڵ و تکریت