كریستالیان پێ گیراوه
له ئاكرێ دوو كه‌س ده‌ستگیركران كاریان بڵاوكردنه‌وه‌ى مادده‌ى هۆشبه‌ر بووه
964+
فه‌رهاد حه‌سه‌ن
پۆلیسی ئاكرێ ده‌ستگیركردنى دوو كه‌سی به‌تۆمه‌تى بڵاوكردنه‌وه‌ى مادده‌ى هۆشبه‌ر له قه‌زاكه‌یان راگه‌یاند، ئه‌و مادده هۆشبه‌ره‌شیان ده‌ستبه‌سه‌ردا گرتووه كه ده‌یانویست بڵاوی بكه‌نه‌وه.
راگه‌یاندنى پۆلیسی ئاكرێ گرته ڤیدیۆیه‌كى بڵاوكردووه‌ته‌وه دوو تۆمه‌تباره‌كه ده‌رده‌كه‌ون و موقه‌ده‌م عیماد حوسێن به‌ڕێوه‌به‌رى راگه‌یاندنى پۆلیسیش ورده‌كارى ده‌ستگیركردنه‌كه‌یان باس ده‌كات.
دواى گه‌یشتنى زانیاری به پۆلیس، نووسینگه‌ى نه‌هێشتنى تاوان له‌گه‌ڵ هۆبه‌ى كامێراى چاودێریی هه‌ماهه‌نگیان كرد بۆ به‌دواداچوونى ئه‌م دوو كه‌سه و له ماوه‌یه‌كی كه‌مدا هه‌ردووكیان ده‌ستگیركردن.
شه‌ش گرام ماده‌ى هۆشبه‌ریان پێگيرا كه له جۆرى كریستاڵه.
عیماد حوسێن ده‌ڵێت، بۆیان ده‌ركه‌وت ئه‌م دوو كه‌سه كاریان بڵاوكردنه‌وه‌ى ماددەى هۆشبه‌ر بووه له قه‌زاى ئاكرێ و هه‌ردووكیشیان دانیشتووى ده‌ره‌وه‌ى ئاكرێن.
“له به‌رده‌مى دادوه‌ر دانیان به تاوانه‌كه‌یان ناوه و لێكۆڵینه‌وه‌ش له‌گه‌ڵیان به‌رده‌وامه”، ئه‌مه‌ش قسه‌ى به‌ڕێوه‌به‌رى راگه‌یاندنى پۆلیسى ئاكرێیه.
تۆمەتبارێک لەرێگەی تیکتۆکەوە هەڕەشەی کردووە و دەستگیرکرا
