نرخی نەوت لە بازاڕی جیهانیدا بەرزبووەوە
دوای چەند مانگێک
نرخی نەوت بەرزبووەوە و 76 دۆلاری تێپەڕاند
964+
شۆڕش قادری
دوای چەند مانگ، ئەمڕۆ نرخی نەوت بەشێوەیەکی بەرچاو بەرزبووەوە و 76 دۆلاری تێپەڕاند.
ئەمڕۆ هەینی 3.1.2025، نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 76 دۆلار و نۆ سەنت دیاری کراوە و بەراورد بە دوێنێ نرخەکەی 0.16% بەرزبووەتەوە.
هەروەها نرخی یەك بەرمیل نەوتی سووكی تێكساس بە 73 دۆلار و 32 سەنت مامەڵەی پێوە دەکرێت و بەڕێژەی 0.19% بەرز بووەتەوە.
چەند مانگێک بوو نرخی نەوت لەنێوان 70 بۆ 75 دۆلار هەڵبەز و دابەزی دەکرد و دوای کەوتنی رژێمی سوریا و گۆڕانکارییە خێراکانی ناوچەکەش، رووی لە دابەزین کرد، بەڵام چەند رۆژێکە روو لە بەرز بوونەوەیە و ئەمڕۆش دوای ماوەیەکی دوور و درێژ 76 دۆلاری تێپەڕاند.