مامۆستایەكی خۆپێشاندەر: ئێمە خۆمان لە هەموو حزبە سیاسییەكان داماڵیوە

964+

دیلان محەمەد

مامۆستایەكی خۆپێشاندەر لە سلێمانی، كە داوای موچە دەكات، بە هاوار و گەرموگوڕییەوە دەڵێت، ئەوان خاوەنی خۆیانن و كەس خاوەنی ئەوان نییە، با حزبە سیاسییەكانیش خۆپێشاندانی مامۆستایان هەڵنەقۆزنەوە.

پاكیزە حەمەئەمین مامۆستایە لە سلێمانی و ئەمڕۆ شەممە 7.12.2924 لە گردبوونەوەی مامۆستایان و فەرمانبەرانی پەروەردە بۆ داواكردنی موچە بەشدارە، ئەو بە دەم رۆیشتن بەرەو دادگای سلێمانی بە 964ی وت، با حزبە سیاسییەكان گردبوونەوە و خۆپیشاندانی مامۆستایان نەقۆزنەوە و بۆ بەرژەوەندی و دانوستانەكانی خۆیان بەكاری نەهێنن، چونكە ئەوان خاوەنی خۆیانن و كەس خاوەنی ئەوان نییە.

مامۆستا پاكیزە زۆر تووڕەیە لەو بێ موچەییە و بە هاوار و دەنگێكی بەرزەوە دەڵێت، “داوای تەوتین و موچەكانمان دەكەین، هەرێم و بەغدا كێشەیان هەیە و كێشەی ئێمە نییە، ئێمە موچە و مافەكانی خۆمان دەوێت”.

ئەمڕۆ شەممە مامۆستایان و فەرمانبەرانی پەروەردەی سلێمانی، لە بەردەم پەروەردەی رۆژئاوا گردبوونەوە و بەشێكی شەقامی سالمیان گرت، دواتریش بەرەو دادگای سلێمانی بە رێپێوان رۆیشتن و لەوێ بەیاننامە دەخوێننەوە و داواكارییەكانیان دەخەنەڕوو.

پێداچوونەوە: ئەرسەلان عەبدوڵا

مامۆستایان و فەرمانبەرانی سلێمانی بۆ موچە گردبوونەوە و شەقامیان داخست