سێ گەنج لەسەر ئەرک و گیرفانى خۆیان فێستیڤاڵێکى ئەسپسواریان رێکخست

+964

عەزیز عەبدوڵا – بازیان

سێ گەنج لەسەر ئەرک و ماندوبوونى خۆیان و بە پارەى خۆیان، فێستیڤاڵێکى ئەسپسواریان لە شارۆچکەى ئاڵایى رێکخست و 130 ئەسپسوار بەشداریان کرد.
وەرزێر ئەشرەف رێکخەرى فێستیڤاڵەکە بە 964ـى وت،” ئامانج لەو فێستیڤاڵە ئاشناکردنى هاوڵاتیان بە کلتورى کۆنى کوردەوارى و ئەنجامدانى چەند نمایشێکى سەرنجڕاکێشى ئەسپسوارى”.

وەک باسى دەکات، 130 ئەسپسوارى بەشداریان لە فێستیفاڵەکە کردووە و لە تەواى شارەکانیشەوە بەشدار بووان روویان لە ئاڵایى کردووە و نمایشى ئەسپسواریان ئەنجامداوە.
“لە فێستیڤاڵەکەدا نەک تەنیا ئەسپسوارى هەرێم، بەڵکو لە رۆژهەڵاتى کوردستان و لەسەر ئاستى هەردوو رەگەز و تەمەنى جیاواز، بەشداریان کردووە”، رێکخەرى فێستیڤاڵەکە واى وت.

دەشڵێت: لەسەر ئەرک و گیرفانى خۆمان فێستیفاڵەکەمان رێکخستووە کە پێکهاتووین لە سێ گەنج.

پیداچوونەوە وریا فەتاح