لە سلێمانی و سەرجەم شارەکانی کوردستان
پڕۆسەی گەڕان بۆ سەرژمێری دەستیپێکرد
964+
دیلان محەمەد – سلێمانی
پرۆسەی تۆمارکردنی ناوی ئەندامانی خێزان ئەمڕۆ لە سلێمانی دەستی پيکردووە و تیمەکان ماڵ بە ماڵ دەگەڕێن.
نما عەبدول، یەکێکە لە ئەندامانی تیمەکانی گەڕانی سەرژمێری بە 964ـی وت، لە بەیانی ئەمڕۆ یەکشەممەوە، دەستیان کردووە بە گەڕان بەسەر ماڵاندا و ناوی ئەندامانی خێزان تۆمار دەکەن.
وتیشی، کاتی گەڕانی تیمەکان لە کاتژمێری6:00ـی بەیانی دستپێدەکات و لە 12:00ەی شەو کۆتایی دێت، بەڵام ئێمە نامانەوێ هاوڵاتییان بێزار بکەین و لە کاتە شیاوەکاندا سەردانی ماڵان دەکەین.
روونیشیکردەوە، ئەو کەسانەی لە ژنێک زیاتریان هەیە تەنیا یەک جار ناوی سەرۆکی خێزان واتە پیاوەکە تۆمار دەکرێت و دەچێتە ناو سیستمەوە و دووبارە ناکرێتەوە.
پێداچوونەوە: ژێوار خدر
