بەنداوی دوکان و دەربەندیخان تێربوون

964+

هاوبەش ئەبوبەکر

بارانەکەی ئەمڕۆ و دوێنێ زیاتر لە 19 ملیۆن ملیمەتر ئاوی بۆ بەنداوەکانی دوکان و دەربەندیخان زیادکردووە، وەزارەتی کشتوکاڵ و سەرچاوەکانی ئاو، وا دەڵێت.

لەکۆی 24.3 ملیۆن مەتر ئاو، بەنداوەکانی دوکان و دەربەندیخان توانیویانە 19.3 ملیۆن مەتر ئاو گلبدەنەوە و بەشێک لە بەنداوە بچوکەکانیش سەڕێژیان کردووە.

وەزارەتی کشتوکاڵ و سەرچاوەکانی ئاو ئەمڕۆ چوارشەممە لە فەیسبوکی خۆیان رایگەیاند “لەماوەی 24 کاتژمێری رابردوودا لە هەردوو بەنداوەکانی دوکان و دەربەندیخان، 24.3 ملیۆن مەتر داهاتی ئاو هەبووە، لەو بڕە 19.3 ملیۆن مەتر خەزنکراوە.”

بەپێی راگەیەندراوەکەی وەزارەتی کشتوکاڵ، ئاستی ئاو لە بەنداوەکان چەمرگە، دێوانە، تورەجار و خنس “بە رادەیەکی باش زیادی کردووە.”

لە کاتژمێر 9ی بەیانی دوێنێ سێشەممەوە تاوەکو کاتژمێر 9ی بەیانی ئەمڕۆ زۆرترین بڕی بارانبارین لە ناوچەی شارباژێری سلێمانی بووە، کە گەیشتووەتە 497.8 ملیمەتر.