رێژەی سکچوون زیادی کرد؛ قایمقام و فەرمانگەکانی شارەزوور لە کۆبوونەوەدان

964+
ئەحمەد مستەفا

کەمال تاوەگۆزی، بەڕێوەبەری راگەیاندنی نەخۆشخانەی شەهید رەئوف بەگ لە شارەزوور بە 964ی وت، لە شەوی رابردووە و تاوەکو کاتژمێر 10:00ی بەیانی ئەمڕۆ، زیاتر لە 700 کەس لە منداڵ و ژن و پیاو بەهۆی سکچوونەوە رەوانەی نەخۆشخانەکەمان کراون.

بەپێی داتای نەخۆشخانەکە، لە شەوی رابردووەوە رێژەکە زیادی کردووە، تەنیا لە کاتژمێر 8:00ی بەیانی ئەمڕۆوە بۆ کاتژمێر 10:00، زیاتر لە 200 کەس بە هەمان مەبەست رەوانەی نەخۆشخانەکە کراون.

لەلایەکی دیکەوە، 964 زانیوویەتی، تیمێک لە خۆپاراستنی تەندروستی سلێمانی هاتوونەتە قەزاکە و نموونەی ئاوی گەڕەکی هەواران و شارستانی وەرگیراوە، رەوانەی سلێمانی کراوە بۆ پشکنین، ئێستا لەگەڵ قایمقام، تەندروستی و پەروەردە و ئاوی شارەزوور لە کۆبوونەوەدان.

توشبوونی خەڵک بە سکچوون گومانەکەی بۆ پاک نەبوونی ئاوی ماڵان بردووە، رەمەزان عارف، بەرێوەبەرى فەرمانگەى ئاوى شارەزوور بە 964ـى وت، دوو رۆژ لەمەوبەر هەردوو گەڕەکى هەواران و شارستانی لە قەزاى شارەزوور کە توشبووەکانى تێدان، سێ کاتژمێر ئاویان پێدراوە، دواى ئەوەش ئاومان بۆ پێنج گەڕەکى دیکە بەرداوەتەوە، بەڵام لەو گەڕەکانە هیچ توشبوویەک نییە،

تیمەکانمان سەرقاڵی پشکنینی بۆریەکانن و تائێستا هیچ شکاوییەکیان لەو دووگەڕەکە نەدۆزیوەتەوەکە ئەوتوشبوانەی لێیە، بۆیە گومانمان وایە بەهۆی باران بارین و درووست بونی لافاووەوە ئاوی پیس لەبەلوعەی ماڵێکەوە چوبوێتە ناو بۆریە سەرەکییەکان و ئەوەش هۆکار بێت بۆ بڵاوبونەوەى ئەو نەخۆشییە، رەمەزان عارف واى وت.

سکچوونەکانى شارەزوور وەزارەتى تەندروستى هێنایە دەنگ