ئێوارەى هەینى ئەسپەکان لە دەربەندى رانیە دەبن

ژێوار خدر

بریارە رۆژی هەینی 8.11.2024، یەکەمین فێستیڤاڵی ئەسپسواری لە دەربەندی رانیە رێکدەخرێت.

ئارام پیرۆت، بەڕێوەبەری بەڕێوەبەرایەتی گەشتوگوزاری راپەڕین بە 964ـی وت، فێستیڤاڵەکە بە بەشداری ژمارەیەک ئەسپسواری لێهاتوو رێکدەخرێت و جگە لە ناوخۆی کوردستان، ئەسپسوار و راهێنەر لە رۆژهەڵاتی کوردستان و لە عێراقیشەوە بەشداری فێستیڤاڵەکە دەکەن.

سەبارەت بە ژمارەی بەشداربووانی فێستڤاڵەکە، ئارام پیرۆت روونیکردەوە، بەدیاریکراوی نازانێت چەند بەشداربوو دەبێت لە فێستیڤالەکەدا، بەڵام دەزانێت بەشداربوو و راهێنەری بەتوانا ئامادەی فێستڤاڵەکە دەبن.

راشیگەیاند، بەشداربووەکان تەنیا هی ناوخۆی هەرێمی کوردستان نین، بەڵکو لە دەرەوەی کوردستانیشەوە بەشداربوو دێن و چەندین نمایشی سەرنجڕاکێشی ئەسپسواری ئەنجام دەدرێن.