تاوەکو نیوەڕۆ سەدا 70ی پۆلیس و پێشمەرگە دەنگیان داوە

ئەحمەد مستەفا

بەپێی داتا و حسابی کۆمسیۆن بێت، لە کاتژمێر 7:00ی بەیانی ئەمڕۆ کاتژمێر 12:00ی نیوەڕۆ، سەدا 70ی پۆلیس و پێشمەرگە و هێزە چەکدارەکان دەنگیان داوە، کۆمیسیۆن دەڵێت داتاکە بەمجۆرە بووە:

رێژەی بەشداریی دەنگدەران لە دەنگدانی تایبەت لە پارێزگاکانی هەرێمی کوردستان:

دهۆک 77٪

هەولێر 70٪

سلێمانی 67٪

هەڵەبجە 64٪

ئەوە لە کاتێکدا ،کاتژمێر 7:00ـى بەیانى ئەمڕۆ، دەرگاى ناوەند و وێستگەکانى دەنگدانى تایبەت بەڕووى دەنگدەراندا کرانەوە و دەنگدانی تایبەت بۆ هەڵبژاردنی خولى شەشەمى پەرلەمانى کوردستان دەستیپێکرد و تا کاتژمێر 6:00ی ئێوارە بەردەوام دەبێت.

دەنگدانى تایبەت لە چوار پارێزگای هەرێمی کوردستان (هەولێر، سلێمانى، دهۆک، هەڵەبجە)و ناوچە کوردستانییەکانی دەرەوەی ئیدارەی هەرێمی کوردستان و سێ پارێزگای عێراقیش بەڕێوەدەچێت، لە دەنگدانى تایبەتدا، 215 هەزار و 960 کەس مافى دەنگکدانى هەیە کە ڕێژەى 7.4%ـى دەنگدەران پێکدەهێنن.