لە کەلار

هەر کەس تەوافە لە تانکی سەربانی ماڵەکەی نەبەستێ بە 50 هەزار دینار غەرامە دەکرێ

964+

شۆڕش قادری

​لە کەلار هەر کەس تەوافە لە تانکی سەربانی ماڵەکەی نەبەستێ، بە 50 هەزار دینار غەرامە دەکرێ.

بەڕێوەبەرایەتی ئاوی کەلار ئاگادارییەکی لەسەر بەفیڕۆدانی ئاو بڵاوکردووەتەوە و دەڵێت، بە مەبەستی پاراستنی سامانی ئاو و  تۆڕەکانی ئاوی ماڵان سەرپێچیکاران بەپێی ئەم خاڵانەی خوارەوە سزا دەدرێن:

​یەکەم: سزای دارایی (پێبژاردن)

​50000 (پەنجا هەزار) دینار: سزادانی ئەو هاوبەشانەی کە ئاوگرەوەی (تەوافە) سەربانیان نەبەستووە و نییە و دەبێتە هۆی بەفیڕۆچوونی ئاو.

(​200000 تا 400000) (دووسەد هەزار تا چوارسەد هەزار) دینار: بەپێی تیرەی بۆرییەکە دەگۆڕێت، بۆ هەر هاوبەشێک کە بەبێ مۆڵەتی بەڕێوەبەرایەتی و فەرمانگە پەیوەندیدارەکان لە یەک هاوبەش زیاتری هەبێت.

​دووەم: ئەژمارکردنی نرخی ئاوی بەفیڕۆچوو

​نرخی ئەو ئاوەی کە لە تۆڕەکانی ئاو بەپێی حوکمی بڕگەی (یەکەم)ی ئەم ماددەیە بەفیڕۆ دراوە، بەپێی ماوە و نرخی کارپێکراو لە هاوبەش وەردەگیرێت و لەلایەن بەڕێوەبەرایەتی و فەرمانگەکانەوە ئەژمار دەکرێت.